Hac occasione de thermis locuti sumus. Dum Erhard locum recitat, quo Vitruvius ad amussim explicat, quomodo thermae aedificanda sint, Rabea et Silvia nonnullos terminos technicos explanaverunt atque varia balnei loca descripserunt.
Postea legimus epistulam moralem quinquagesimam sextam, in qua Seneca de κακοφωνίᾳ a proximo balneo audienda queritur. Nemo est, qui tamquam Seneca res cottidianas tam vividissime queat describere, ut nobis innumerabilia exempla veniant in mentem ad vitam nostram pertinentia!
Proxima occasione faciemus parvam excursionem, ut thermas Bonnenses primi saeculi post Christum natum visamus. Thermis visis loquemur de institoribus opificibusque.